Ләбиб Кәрам улы Айтуганов

Районыбызда туып - үсеп Республика күләмендә дан казанган шәхесләребез арасында татар музыка эшлеклесе, танылган җырлар авторы, шагыйрь, радиожурналист, оста җырчы, композитор Ләбиб Кәрам улы Айтуганов та бар. Быелның октябрендә аның тууына 90 ел булды.
11 ноябрь көнне Үзәк китапханәнең татар әдәбияты һәм туган якны өйрәнү бүлеге китапханәчесе Миләүшә Шәйхетдинова шәһәрнең 1нче гимназия укучылары өчен "Ул тормышны сөя иде" исемле әдәби дәрес уздырды. Укучылар "Күңелләрдә һаман истә" китап күргәзмәсе, Ләбиб Айтугановның тормыш юлы һәм иҗаты, истәлекләр белән таныштылар. Иң популяр шигырь һәм җырларын тыңладылар. Чара катнашучылар өчен бик файдалы булды.