Мастер - класс "Калфак"
Яшь буынны татар халкының милли киемнәре, орнаментлары белән таныштыру максатыннан Үзәк китапханә хезмәткәрләре Илзилә Муллахмәтова һәм Миләүшә Шәйхетдинова шәһәребезнең 2нче урта мәктәбенең 5нче сыйныфында укучы кызларга хатын - кызларның милли баш киеме калфак тегү буенча мастер - класс үткәрделәр. Чарада укучы кызлар калфак турында мәгълүмат һәм күргәзмә белән таныштылар.Остаханәдә катнашучылар үзләре калфак тектеләр һәм аны бизәделәр.
Кул җылысы, бигрәк тә күңел җылысын биреп башкарылган эш һәрчак уңышлы була. Кызларның калфаклары бик килешле һәм матур тегелде. 🧵✂️
Милли киемнәребезне истә тотып, аны киләчәк буыннарга җиткерү өчен оештырылган әлеге чара барлык катнашучыларга да файдалы булды.
Мастер - класста актив катнашкан кызларга һәм сыйныф җитәкчеләре Эльвира Илгиз кызы һәм Миләүшә Тимергали кызына рәхмәтләребезне җиткерәбез.
